لە جیهانی پەروەردەی هاوچەرخدا، دامەزراوە سەرکەوتووەکان بە تاکە کەسی بەڕێوە ناچن، بەڵکو بە هێزی کاری بەکۆمەڵ گەشە دەکەن. ئەوەی پەروەردەی وایز لە ناوەندە پەروەردەییەکانی تر جیا دەکاتەوە، بوونی بەشێکی پەروەردەیی فراوان و تۆکمەیە کە وەک مێشک و دڵی دامەزراوەکەمان کار دەکات؛ تیمێک کە لە دەرەوەی چوارچێوە باوەکان بیر دەکاتەوە.
زیاتر لە ٢٥ پسپۆڕ لە ژێر یەک چەتردا سەرسوڕهێنەرترین تایبەتمەندی بەشی پەروەردەیی وایز لە قەبارە و پێکهاتەکەیدا کورت دەبێتەوە.لەسەروو ٢٥ کەسایەتی پسپۆڕ پێکهاتووین کە لە ڕێکخەری بەش ، بەرپرسانی پەروەردەیی بەشەکان، و ڕێنماییکارانی پەروەردەیی و دەروونی پێکدێت، کە سەرجەمیان لە ژێر چاودێری و ڕێنوێنی سەرپەرشتیاری گشتی دامەزراوەکەدا کار دەکەن. ئەم ژمارە گەورەیە تەنها ژمارە نییە، بەڵکو هێزێکی پاڵنەرە بۆ چاودێریکردنی وردی هەموو منداڵ و قوتابییەک لە باخچەوە تا ئامادەیی. تیمی پەروەردەیی وایز خاوەن باکگراوند، ئەزموون و لێهاتوویی جیاوازن. ئێمە لە ڕوانگەی جیاوازەوە سەیری پرۆسەی پەروەردە دەکەین: • هەندێکمان پسپۆڕی قۆناغی منداڵین . • هەندێکمان شارەزای گەشەی دەروونی و ڕێنماییکاری گەنجانین. • هەندێکیشمان خاوەن دیدگای ستراتیژین بۆ داڕشتنی پڕۆگرامی زانستی هاوچەرخ. ئەم هەمەجۆرییە گەورەترین دەوڵەمەندییە! لێرەوە "هونەری وایز" دەستپێدەکات: یەکخستنی هەموو ئەم دیدگە و توانایە جیاوازانە و ئاڕاستەکردنیان بەرەو یەک ئامانج. ئێمە لە کۆبوونەوە بەردەوامەکانماندا، بیرۆکەکان دەپاڵێوین تا لە کۆتاییدا بڕیارێک بدەین کە لە بەرژەوەندی قوتابییەکانماندا بێت. جیاوازی ئێمە لە ڕەسەنایەتی و هێزی تیمەکەماندایە. لای ئێمە، هەموو توانایەکی جیاواز، خشتیەکە بۆ بونیادنانی کۆشکە پەروەردەییەکەی وایز. ئێمە پێکەوە کار دەکەین، چونکە باوەڕمان وایە داهاتووی منداڵەکانتان شایەنی باشترین تیمی پەروەردەییە.
