منداڵی فڕەجوولە زۆرجار وزەیەکی زۆری هەیە و لە ماوەی وانەدا بە ئاسانی ئارام ناگرێت، زوو سەرنجی دەگۆڕێت یان پێویستی بە جووڵە و چالاکی زیاتر هەیە. ئەمە هەمیشە بە مانای کێشە یان نەخۆشی نییە، بەڵکو پێویستی بە شێوازی مامەڵەکردنێکی ئارام، ڕێکخراو و پەروەردەیی هەیە تا بتوانێت باشتر فێربێت و لە پۆلدا بەشداری بکات.
ئامانج ئەوەیە مامۆستا بتوانێت هەڵسوکەوتی منداڵی زۆر جووڵە باشتر تێبگات، شێوازی گونجاوی مامەڵەکردن هەڵبژێرێت و وزەی منداڵەکە بە شێوەیەکی ئەرێنی و سوودبەخش لە ناو پۆلدا بەکاربهێنێت. گرنگترین ڕێگارەکان: ڕێنماییەکان کورت، ڕوون و یەک بە یەک بدرێن، نەک چەند فەرمانێک لە یەک کاتدا. کاری درێژ بۆ بەشە بچووکەکان دابەش بکرێت تا منداڵەکە بە ئاسانی بتوانێت تەواوی بکات. شوێنی دانیشتنی لە نزیک مامۆستا و دوور لە هۆکارەکانی سەرنجلادان هەڵبژێردرێت. هەڵسوکەوتی باش بە وشەی جوان، ستایش یان هاندانی سادە بەهێز بکرێت. لە جیاتی قەدەغەکردنی هەموو جووڵەکان، هەندێک ئەرکی بچووک و جووڵەی ئامانجدار پێ بدرێت؛ وەک دابەشکردنی پەڕە یان پاککردنەوەی تەختە. لە تووڕەبوون، هاوارکردن یان شەرمەزارکردنی منداڵەکە لەبەردەم هاوپۆلەکان دوور بخرێتەوە. یاسا و سنوورەکانی پۆل بە شێوەیەکی دیاریکراو، جێگیر و هەمان شێواز جێبەجێ بکرێن. پەیوەندی بە خێزان و بەشی ڕێنمایی قوتابیان بەردەوام بێت بۆ ئەوەی هەمان شێوازی مامەڵەکردن بەردەوام بێت. کۆتایی منداڵی فڕەجووڵە پێویستی بە سزا و فشارێکی زیاتر نییە، بەڵکو پێویستی بە تێگەیشتن، ئارامی، ڕێکخستن و هاندانی دروست هەیە. کاتێک مامۆستا بتوانێت وزەی منداڵەکە ئاراستەی چالاکی و فێربوون بکات، جووڵەی زۆر دەتوانێت لە کێشەوە بگۆڕدرێت بۆ خاڵێکی بەهێز لە پۆلدا.
