ڕۆژی جیهانی زمانی عەرەبی (18ی کانوونی یەکەم) یەکێکە لە ڕۆژە گرنگە نێودەوڵەتییەکان کە بۆ ڕێزگرتن لە زمانی عەرەبی و بەرزڕاگرتنی پلەی ئەم زمانە لە بواری زانست، کەلتوور و پەیوەندییە مرۆییەکاندا دیاریکراوە. زمانی عەرەبی بە وەک یەکێک لە زمانە گرنگەکانی جیهان ناسراوە و رۆڵێکی گرنگی هەیە لە پاراستنی میراتی فکری و کەلتووری و گەشەپێدانی توێژینەوە زانستییەکاندا.
ئامانجی ئەم چالاکییە پەرەپێدانی تواناکانی زمانەوانی قوتابیانە، بەتایبەتی لە بواری خوێندنەوە، نووسین، قسەکردن و تێگەیشتن. هەروەها هەوڵدەدرێت حەز و ئارەزوویان بۆ فێربوونی زمانی عەرەبی زیاد بکرێت و بتوانن ئەم زمانە لە ژیانی ڕۆژانەیاندا بە شێوەیەکی کاریگەر بەکاربهێنن. چالاکییەکان: لە ماوەی ئەم ڕۆژەدا، چەندین چالاکیی زمانەوانی و هونەری بەڕێوەدەچن، وەک: خوێندنەوەی دەقە ئەدەبییەکان (شیعر، چیرۆک، وتە) بە زمانی عەرەبی بە شێوەیەکی ڕەوان و ڕێکوپێک نووسینی بابەت یان وتاری کورت لەسەر گرنگی زمانی عەرەبی ڕێکخستنی یارییە زمانییەکان بۆ بەرزکردنەوەی توانای وشەسازی و ڕستەسازی دروستکردنی پۆستەر و تابڵۆی فێرکاری سەبارەت بە زمانی عەرەبی شێوازی بەڕێوەبردن: چالاکییەکە بە شێوەی گرووپی بەڕێوەدەبرێت، بەو شێوەیەی مامۆستا قوتابیان دابەش دەکات بۆ چەند گرووپی هاوسەنگ. گرووپی یەکەم: خوێندنەوە و ڕاڤەکردنی دەق گرووپی دووەم: نووسین و پێشکەشکردنی بابەت گرووپی سێیەم: ئامادەکردنی پۆستەر و کارە هونەرییەکان گرووپی چوارەم: ئامادەکردن و بەڕێوەبردنی یاری زمانییەکان مامۆستا ڕۆڵی چاودێری و ڕێنمایی هەیە و هەروەها هەڵسەنگاندنی کارەکان بە پێی پێوانەی دیاریکراو دەکات. پێوانەی هەڵسەنگاندن: ڕاستی زمان (ڕێزمان و ڕێنووس) ڕوونی و ڕێکوپێکی پێشکەشکردن بەکاربردنی وشە و دەربڕینە گونجاوەکان داهێنان و نوێکاری لە کارەکاندا هاوکاری و کارکردنی گرووپی لە کۆتاییدا، باشترین کار یان باشترین گرووپ هەڵدەبژێردرێت
